نزلت 2 كيلو خلال اسبوع اقسم بالله ...

 

انا متأخرة بالحمل وياما اخذت كورسات تنشيط والحمدلله ربي ماكتب ، وفوق هذا مشاكل مع زوجي وهموم الحمل والاطفال ،،،زوجي اغلب وقته برى البيت وابقى لحالي لا شغل ولا مشغلة بغض النظر عن شغل البيت الروتيني اليومي ...وزني وصل 85 للأسف واحاول اسيطر على نفسي لا اوصل 90 واتوهق ..المهم قررت اغير حياتي .. واشتريت جهاز اوربتراك من سوق كوم ب 300 ريال ..وفعلا وصلني وماتوقعته كذا .. يجنن يا بنات ويساعد كثير بالتنحيف وحرق السعرات الحرارية ..اول ماجبته خمس دقائق ماقدرت اكملها لانه زمان عن الرياضة والآن ماشاء الله نص ساعة اخلصها بالراحة وشوي شوي بكمل ساعة كاملة ..قدرت باليوم احرق اكثر من 1200 سعرة حرارية ..كل ما اتمرن واتعب بعد ربع ساعة اذكر نفسي بالحمل والاطفال ويعطيني دافع اكمل تمارين اكثر ..وكل ما اكلت وجبة وحسيتها ثقيله صرت اعاقب نفسي بتمارين اكثر ...المهم بدات اخفف من اكل آخر الليل واقلل من الرز وقطعت الحلويات .. اما الغازيات الحمدلله من سنة قطعتهم ..انا سمنتي من الرز والحليب ..له اسبوع عندي الجهاز قسم بالله نزلت 2 كيلو بالراحة ..وراح استمر عليه واشوف النتيجة الفعلية بعد شهر ان شاء الله لعل الله يكتب لي الحمل ..وانا الحمدلله إرادتي قوية وعرفت املي وقت فراغي ..وفرحت لاني نزلت 2 كيلو حسيت اني ماشيه صح ..الله كريم وصرت بدال قعدتي بالجوال ومنسدحه ، صرت اشغل يوتيوب واركب سماعات واتمرن .. احس وقتي ماراح عالفاضي ...حبيت اكتب تجربتي لكم.